...já, og AMEN!!

Játakk... allt annað en ruslið "íslenska krónan" væri vel þegið!! Norska krónan, dollarar eða jafnvel pund (svona til að gleðja bretann...hehe) Er alveg búin að fá nóg núna... gæti skrifað heilan reiðilestur um aumingjana sem hlusta aldrei á neinn nema sjálfan sig (og Dabba krullhaus) og koma okkur hinum svo í skítamál með algjörum aumingjaskap!!

Æ, já, ég er orðin þreytt á þessu ástandi og vill breytingar... og það strax!!!

Vill norsku krónuna inn

Breytt plön...

Sit ennþá heima með hálf-lasið barn. Hitinn ætlar bara ekki að gefa sig, en það er alltaf bara smá pínu hiti, aldrei yfir svona ca 38°c. Nenni ekki að kvelja barnið með mælinum oft á dag. Finn það bara að hann er heitur en ekki svo heitur að það sé þörf á endalausum mælingum. En ég er búin að tala við hjúkku og á tíma hjá lækni á mánudaginn fyrir hann. Vonum bara að það verði e-ð hægt að gera fyrir hann. Það er notlega ekki eðlilegt að barn hafi hita svona lengi... þó hitinn sé ekki hár!!

En semsagt, það er laugardagur, ég er heima. ætla reyndar í bíltúr á eftir (að sækja bleyjufötu sem ég var að kaupa...) en ekkert lengra en það... Leyfi kannski Fannari að koma með, bara svona svo hann fái smá tilbreytingu í lífið þessa dagana. Svo er nú reyndar ennþá planið að fara í partý á morgun... verðum bara að sjá hvernig það fer, en það er allavega á planinu. Hann getur svosem alveg verið "veikur" í ömmuhúsi í nokkra klukkutíma... er það ekki??

Ein ég sit og...

...horfi á tölvuskjáinn og hef það huggulegt. Nýbúin að svæfa báða strákana og hlusta á þögnina í kringum mig. Verst bara að ég skuli hafa sett uppþvottavélina í gang... en vatnshljóðið er nú ekkert hræðilegt... frekar róandi ef e-ð er!!

Er alveg búin að fá nóg af veikindum og magabólgum og hita og veikindum og meiri magabólgum!!!! Finnst alveg komin tími á að heimilishaldið komist í eðlilegt horf og allir verði frískir aftur. Fannar er nú alveg að ná sér, búin að vera hitalaus að mestu í gær og það sem af er þessum degi. Ég hinsvegar er búin að vera drulluslæm af þessum magabólgum, en það er nú sem betur fer á réttri leið aftur... held ég allavega. Ætla allavega að vera dugleg á morgun og fara með Jóhanni klukkan rúmlega sjö í fyrramálið og fá bílinn. Svo ætlum við strákarnir að kíkja á mömmumorgun í Breiðholtinu og kannski gera svo e-ð annað skemmtilegt þann daginn. Alveg komin tími til að sjá e-ð annað en veikt fólk í smá stund!!! Svo er spurning um að finna sér e-ð skemmtilegt á laugardaginn og svo á sunnudaginn er partý í Partý-Malarásnum en þá er búið að bjóða öllu mömmu-fólki afamegin í heimsókn til að hitta Danska frænku, manninn hennar og son. ...Eins gott að Tinna fari að rifja upp dönskuna því hún verður að sjá um þann pakka a.m.k. fyrir mig !!!

En jæja... ætla að halda áfram að njóta þagnarinnar meðan hún varir... og já, er að hugsa þetta með Feis-búkkið... sé til hvort ég nenni ;)

Gleymdi einu... og nýjar fréttir!

Úff.. ég skil ekkert í mér.. Var kannski svona rosalega hugmyndalaus um daginn en...

Fjórar hljómsveitir eða tónlistarmenn sem ég held uppá

1. Neibb.... ekkert sérstakt þarna. sorrý....
2. Neibb.... þetta á ekki að vera svona!!!!

Fjórar hljómsveitir eða tónlistarmenn sem ég held uppá

1. Carola!!!
2. Eyfi... hann er góður ;)
3. Friðrik og Regína. Þau eru bara flott saman!
4. Já... lítur betur út þó listinn sé ekki fullkomin!

 

Var annars uppá Barnaspítala í gær. Fannar Fékk hitakrampa og þurfti að fara og hitta lækni. Fengum sjúkrabíl heim en þeir bara skoðuðu hann aðeins og sögðu okkur svo að fara bara sjálf niðureftir, en þeir létu vita af okkur samt. Vorum niðurfrá í kannski 2 tíma og fórum svo heim aftur. Fannar hresstist með auknum verkjalyfjum en steinsofnaði svo í gærkvöldi og sefurennþá, sem er frekar ólíkt honum. Er alveg búin að tékka á honum nokkrum sinnum í nótt og morgun en hann er bara eftir sig eftir þetta alltsaman. Ætla að setja söguna betur inn á síðuna hjá strákunum!

Hvað er eiginlega málið með Facebook?? Var spurð um daginn afhverju ég bloggaði ennþá... afhverju ég væri ekki farin á facebook?? Málið er bara að ég kann ekkert á svoleiðis, veit ekkert um hvað það snýst og veit þess vegna greinilega ekkert hverju ég er að missa af... eða hvað???

Takk Heiðdís.... (ehemmm)

 En bara afþví Heiðdís er svo æðisleg þá skal ég gefa mér nokkrar mínútur og svara "klukkinu" hennar !!!

Fjögur störf sem ég hef unnið um ævina:

1. Afgreiðsla í Hagkaup
2. Sumarbúðir...með öllu tilheyrandi 
3. Leikskólavinna
4. Síminn - Þjónustufulltrúi

Fjórar bíómyndir sem ég held uppá

1. Sound of Music
2. Annie

Fjórir staðir sem ég hef búið á

1. Hraunbær (númer 8, 34, 66, 80 og 88)
2. Malarás 
3. Lækjarás
4. Vallakór

Fjórir sjónvarpsþættir sem mér líkar

1. Friends
2. Útsvar
3. Gettu Betur 
4. Singing Bee.... held ég allavega...

Fjórir staðir sem ég hef heimsótt í fríum

1. London
2. Noregur
3. USA
4. Spánn

Fjórar síður sem ég skoða daglega fyrir utan blogg

1. www.barnaland.is/barn/60238 
2. mbl.is
3. visir.is
4. hotmail.com

Fernt sem ég held uppá matarkyns

1. Kjúklingur
2. Bayonne skinka
3. Svið... MMMmmm
4. Svínakjötið á jólunum... yfirleitt

Fjórir staðir sem ég vildi helst vera á núna

1. Uppí rúmi... sofandi
2. Teneriefe með skemmtilega fólkinu sem er þar núna 
3. í sundi... nema það er bara svo kalt!! 
4. Í sumarfríi með fullt af peningum (sammála Heiðdísi þarna... hehe)

Fjórar hljómsveitir eða tónlistarmenn sem ég held uppá

1. Neibb.... ekkert sérstakt þarna. sorrý....

Fjórir bloggarar sem ég klukka

1. Tinna systir
2. Vala ...ef hún les þetta blogg ennþá
3. Tóta... hún bloggaði einusinni... er hún kannski hætt?
4. veit ekki meir ! úff... nógu erfitt að finna þrjá...

 

Jæja, þá vitið þið það. Ég er engin snillingur í að svara svona spurningum um sjálfan mig, en þið fáið þó smá hugmynd þarna um það hver ég er ;) Annars er Arnar Bjarki vaknaður úti í vagni og ég þarf að fara að sækja hann áður en hann vekur stóra bróður sinn með ópum og köllum!!

Skil ekki...

Af hverju get ég ekki skilið hvernig þetta virkar?? Mig langar að bæta fleirum á bloggvinalistann minn en ég bara veit alls ekki hvernig ég á að bjóða þeim að vera vinir mínir...!!! Allir á vinalistanum hafa verið svo góðir að bjóða mér að vera vinur sinn ;)

Allavega, eins og áður sagði, þá er ég miklu duglegri að skrifa á síðuna hjá strákunum heldur en hér... en kannski lagast það seinna. Er líka búin að bæta 200 myndum inná barnalandið (mai og júní mánuði) og er að vinna í júlí!!

Og já... við fórum í sónar um daginn og fengum að vita kynið á "þriðja" ;) Þið sem viljið vita verðið bara að hafa samband því við viljum ekki pósta því á netið strax ;) Er komin 21 viku og allt gengur eftir atvikum vel... þó ég hafi nú verið hraustari og orkumeiri hérna einusinni... ;)

Im back!!

Er að standa mig frekar illa hér, en þið sem viljið fylgjast með mér ættuð að kíkja bara á síðuna hjá strákunum mínum, þar hef ég staðið mig aðeins betur í blogginu en myndirnar þar eru orðnar dáldið mikið á eftir áætlun... segi ekki meira!!

Annars snúast dagarnir bara um börnin og heimilið og auðvitað manninn minn. Svo stundum þá gerir maður e-ð annað eins og að skreppa í Bónus eða kíkja á "ömmur" eða á mömmumorgna. En svona er það bara að vera mamma ;)

ciao.... meira seinna ;)

Hálfs Árs!!

Já, ótrúlegt en satt!!! Litli strákurinn okkar er orðin 6 mánaða gamall! Tíminn er ekkert smá fljotur að líða hérna. Man eftir því þegar Fannar var 6 mánaða og við héldum veislu fyrir hann... og mér fannst hann ekkert smá stór þá!! Litli hnúturinn er svo bara búin að ná þessum áfanga líka og því kannski við hæfi að fagna deginum með súkkulaðiköku ;) Sá litli fær nú samt ekki köku en hann fær kannski smá rjóma... hver veit. Annars fékk hann líka lýsi í dag í fyrsta sinn. Honum fannst það bara alveg ágætt!!

Er annars bara í nýju stofunni minni og bíð eftir að nenna að koma mér í að undirbúa súkkulaðikökuboð á eftir. Fannar sefur en Arnar hefur ákveðið að vaka og vera félagsskapur fyrir mömmu sína. Mamman er ekki alveg nógu hrifin því síðustu daga hef ég stefnt að því að láta þá sofa á sama tíma í hádeginu svo ég geti lagt mig líka... EN neibb, ekki í dag segir AB!! Verð því bara að sinna honum og svo sofnar hann örugglega um leið og Fannar vaknar... alveg týpiskt!!

Að koma sér fyrir í nýju íbúðinni gengur hægt en gengur þó!! Jóhann er að klára í Hraunbænum og þess vegna bíður ýmislegt hér, eins og að setja upp stóru tölvuna og hillurnar í stofunni. Ég kvarta nú samt ekki neitt, hef það svo huggulegt hérna með pallinn minn og öll herbergin og þvottavélina og.. og.. og......

Hef annars ekkert meira merkilegt að segja í bili. Hver veit samt hvað gerist næst??? hehehe ;)

Margt að gerast!

Já, við erum búin að vera ekkert smá dugleg!! Keyptum íbúð og seldum svo íbúð allt bara á þrem vikum frá upphafi þess ferils!! Og nú er bara komið að því að flyta...

Við fundum semsagt draumaíbúðina okkar (eða réttara sagt "mína"!) í Kórahverfinu í Kópavogi. Við tókum sjens... stóran sjens... og keyptum hana!!! Þá var bara eftir að selja okkar íbúð!! Þetta er reyndar ekki sniðugur leikur eins og markaðurinn er í dag, en við vorum ekkert smá heppin!! Íbúðin okkar seldist ótrúlega hratt. Fyrsta fólkið sem kom og skoðaði það gerði tilboð og endaði á því að fá íbúðina ;) Þetta gerist varla betra... við keyptum fyrstu íbúðina sem við skoðuðum og fyrsta fólkið sem skoðaði hér, keypti af okkur, ... já ótrúlegt en satt !!! (svo Ólöf Inger... íbúðin er seld, en við settum 16,5 milljónir á hana sem er mjög sanngjarnt verð fyrir sambærilegar íbúðir!) 

Við fáum okkar íbúð afhenta í síðasta lagi 15 júlí (vonandi fyrr samt) og eftir það mega allir koma í heimsókn á nýja staðin og skoða!! Það fylgir því þó að þið verðið að hafa samband fyrst því ég ætla ekki að setja heimilisfangið mitt hér á netið... hehehe!!! 

Og ef þið viljið sjá hvernig heimilið mitt leit út um daginn, þá eru rosa fínar myndir hér... og btw... það hefur held ég aldrei verið svona hreint hérna og fínt eins og er á myndunum...Enda brjálað að gera að færa dót og drasl úr augsýn ljósmyndarans svo allt liti vel út ;)
http://mbl.is/mm/fasteignir/fasteign/?eign=309720

Jæja, ætla að setja í uppþvottavélina og fara svo að sofa ;) 

Perlubrúðkaupsafmæli!

Nei, ekki mitt, enda ekki löglega gift ennþá... EN Mamma og Pabbi fagna þessum áfanga í dag!! Til hamingju með það ;) ...og fyrir ykkur sem vitið ekki, þá er berlubrúðkaupsafmæli semsagt 30 ára brúðkaupsafmæli!! Já, þau hafa verið gift jafnlengi og ég er gömul, svo það er auðvelt að muna þetta fyrir mig ;)

Talandi um brúðkaup... fór í eitt um daginn. Rosa flott og rosa gaman. Var haldið í sveitakirkju og veislan á heimili brúðhjónanna í sveitinni. (btw, rosa flott hús sem þau eiga!) Til hamingju með daginn Daði og Hulda, þið voruð ekkert smá flott!!

Og nýjustu fréttirnar... ÉG er að fara að flytja!!! Hlakka ekkert smá til. Engar fleiri tröppur eftir 14 daga... Get ekki beðið, enda strákarnir farnir að síga í og ekkert grín að labba upp 3 HÆÐIR með einn strák undir hvorri hendi!! ...verð nú að viðurkenna að ég hef ekki mikið þurft að bera þá upp alveg ein, en það kemur fyrir samt!!

Allavega... þið sem viljið nota tækifærið og heimsækja mig í síðasta sinn í Hraunbæinn... eins gott að drífa sig... og þið sem vitið um e-rn sem vantar litla íbúð í Hraunbænum... þá er mín til sölu!!!